ආසියානු අලින්ගේ උප විශේෂ තුනෙන් එක් උප විශේෂයක් මෙරට වාසය කරන අලියා නියෝජනය කරන අතර එම උප විශේෂය මෙරටට ආවේණික වේ. මොවුන් උද්‍යානය පුරාම දැකිය හැකි වුවත් විශේෂයෙන්ම බටහිර ප්‍රදේශයේ තෘණ බිම් ආශ්‍රිතව (උදාහරණයක් ලෙස පොම්පරිප්පු සහ මයිලවිල්ලු ආදී ප්‍රදේශයන්) හා උතුරු ප්‍රදේශයේ සුලබව හමුවේ.

විශාල අලි රංචු, 50 කට අධික සංඛ්‍යාවකින් සමන්විත වන අතර ඇතුන් උද්‍යාන මායිමෙන් ඔබ්බට ගමන් කිරීම සඳහා මායිම අසළ ගැව‍සේ. නමුත් තනි අලින් හැරුණු විට මෙම රංචු මධ්‍යම ප්‍රදේශයේ පිහිටි විල්ලු හා වැව්වල දක්නට ලැබෙන්නේ කලාතුරකිනි. අලින් නිසැගයෙන්ම කණ්ඩයම් වශෙයන් ජීවත්වන සමාජශීලී සතුන් වේ. මෙම කණ්ඩයම් ගැහැණු සතුන් හා පැටවුන්ගෙන් සමන්විත වන අතර වැඩිහිටි ගැහැණු සතෙකු එයට නායකත්වය ලබා දෙයි. අලින් අතිශයින්ම බුද්ධිමත් සතුන් වන අතර ඔවුන්ගේ මතකය වසර ගණනාවක් දක්වා රඳවාගන්නට සමත්‍ වේ.