වියළි කලාපීය වනාන්තර ආශ්‍රිතව ප්‍රධාන වශයෙන් හමුවන පෝරු-කෑඳැත්තා දේශීය පක්ෂියෙකි. එමෙන්ම මෙම පක්ෂීන් රූපකායෙන් අනෙකුත් පක්ෂින්ට යම් වෙනස්කමක් දක්වයි. එනම් ඔවුනට උසුළු විසුළු පෙනුමක් එක් කරමින් හොටෙහි උඩු පැත්තේ ඇති අස්ථිමය ව්‍යුහයක් තිබේ. මෙය ගැහැණු හා පිරිමි සතුන්ට පොදු ව්‍යුහයකි. තවද ඔවුන්ගේ හිස් කබල සැහැල්ලු හා කුහර සහිත අස්ථිවලින් සමන්විත වීම නිසා ඔවුන් විසින් නිකුත් කරන හඬ අනුනාද වීමකට ලක්වේ. එම නිසා ඝන වනාන්තරය සිසාරා නිහැඬියාව බිදමින් ඔවුන්ගේ හඬ ගමන් කරයි.

අනෙකුත් කෑඳැති විශේෂ මෙන්ම අභිජනන සමෙය්දී තරමක් දුරට අසාමාන්‍ය හැසිරීමක් නිරූණය කරයි. එනම් ඔවුන්ගේ කැදැල්ල ගස් බෙනයක සාදයි. එහි කිරිල්ලිය බිත්තර රැකීමේ නිරත වෙයි. කුරුල්ලා විසින් කිරිල්ලියට ආහාර සැපයිය හැකි වන පරිදි කුඩා සිදුරක් පමණක් ඉතිරි කර බෙනයේ කට එනම් බෙනයේ විවෘත ප්‍රදේශය සම්පූර්ණයෙන්ම වසා දමයි. බිජු රකින කිරිල්ලිය කුරුල්ලා රැගෙන එන ආහාර මත සම්පුර්ණයෙන්ම යැපෙයි. සවස් කාලයේ වැලි ස්නානය කරමින් සිටින පෝරු කෑඳැත්තන් ඇතැම්විට ඔබට උද්‍යානය තුළ දී දැකිය හැකිය.