මෙම ස්ථානය විල්පත්තු ජාතික උද්‍යානයේ   කලාප අංක පහ තුළ, පැරණි මන්නාරම-පුත්තලම මාර්ගයේ 21   වන සැතැපුම් කණුව අසල පිහිටා ඇත. මෙම ස්ථානය දැරණියගල (1957, 1958) සහ බෙග්ලි (1981) යන ප්‍රවීණ ඉතිහාසඥයන්ගේ ගවේෂණය ලක් වී අතර 1971 දී මේ පිළිබඳව දීර්ඝ අධ්‍යනයක්  මහාචාර්ය විමලා බෙග්ලි විසින් සිදු කරන ලදී.

ඒ අනුව ස්ථාන 14ක  සිදු කරන ලද කැණීම්වලින් සොයා ගන්නා ලද  ඇටසැකිලි  පුද්ගලයින් 23 දෙනෙකුගේ  බවට අනාවරණය කර ගන්නා ලදී.  මෙවැනි  ස්ථාන හමුවීම තුළින් එකල මෙම ප්‍රදේශ ආශ්‍රිතව විසිරුණු විශාල ජනහණයක් වාසයකළ බවටත් ඔවුන්ගේ වාසස්ථානවල නටබුන් මෙම  සුසාන භුමිවලට ආසන්නව  පැවතිය හැකි බවටත් විශ්වාස කරයි. එම          ජනාවාස පිහිටියේ බොහෝ දුරට නැගෙහිර දෙසට වන්නට එනම් ගල්ගේ විහාර සංකීර්ණය දෙසට වන්නට විය හැකිය.