විල්පත්තු ගැන
මෙම ප්‍රදේශය හා බැඳුනු පුරාවෘත ඇතත් එවකට පැවති වාරිමාර්ගවල ව්‍යුහයන් හා අනෙකුත් ඉදිකිරීම්වල නටබුන් ඉපැරණි ශිෂ්ටාචාරය පිළිබඳ සාක්ෂි දරයි.
ක්‍රි.පූ. 500 තරම් වූ ඈත අතීතය වෙත හැරී බැලීමේදි විජය රජතුමා මෙරටට ගොඩ බට තම්බපණ්ණිය කුදිරමලෛ ප්‍රදේශයෙහි පිහිටා ඇත. එය සංස්කෘත භාෂාවෙන් “රඹපොළොව” යන අරුත් ගැන්වේ.
මීට අමතරව, උද්‍යානය තුළ පිහිටි ඇතැම් ස්ථානවලින් පේලියොලිතික හා මෙසොලිතික යුගයවලට අයත් ශේෂයන් සොයා ගත හැකි වී ඇත. මෑත කාලය දෙස හැරී බැලීමේදී මෙරට පැවති සිවිල් යුද්ධය නිසා 1980 දශකයේ මැද භාගයේ සිට 2010 පෙබරවාරි මාසය දක්වා කාලය විල්පත්තු ජාතික උද්‍යානය සංචාරකයින් සඳහා විවෘත නොකෙරිණි. එහෙත් මේ වන විට අතීතයේ මෙම උද්‍යානය පැවති ප්‍රෞඪත්වය නැවත ඇති කිරීම සඳහා යටිතල පහසුකම් ප්‍රතිස්ථාපනය කිරීමත් උද්‍යානය තුළ කළමනාකාරීත්වය ශක්තිමත් කිරීමත් සිදු කරමින් පවතී.
විල්පත්තු ජාතික උද්‍යානයේ කළමනාකරණ සැලැස්ම අරමුණු රැසකින් සමන්විත වේ. උද්‍යාන සංරක්ෂණයට අහිතකර බලපෑම් ඇති නොවන අයුරින් සංචාරකයන් හට උසස් රසාස්වාදයක් ලබා දෙමින් ශ්‍රී ලංකාවේ ජෛව විවිධත්වය නිරූපණය කරන නොඉඳුල් ස්ථානයක් ලෙස පවත්වා ගැනීම යනාදිය ඊට ඇතුළත් වේ. විල්පත්තු ජාතික උද්‍යානයේ 2019-2024 කළමනාකරණ සැලැස්ම පහත සබැඳි වලින් අධ්‍යයනය කරන්න.
- 01.
කඳවුරු බැඳීම - 02.
සෆාරි - 03.
බංගලාවක නවතින්න
කඳවුරු බැඳීම
සෆාරි
බංගලාවක නවතින්න
වර්ෂ 1938 දී වනසත්ත්ව හා වෘක්ෂලතා ආරක්ෂක ආඥා පනතේ ප්‍රතිපාදනයන්ට අනුව විල්පත්තුව අභයභූමිය ජාතික උද්‍යානය ලෙස ප්‍රකාශයට පත් කරන ලද අතර එය කළමනාකරණය කරනු ලබන්නේ වනජීවී සංරක්ෂණ දෙපාර්තමේන්තුව විසිනි.
ශ්‍රී ලංකාවේ අද්විතීය ජෛව විවිධත්වය සුරැකි භුමිභාගයක් ලෙස විල්පත්තුව ජාතික උද්‍යානය හා ඒ අවට ප්‍රදේශය වැදගත් වේ. උද්‍යානයේ පරිසරය සහ භූමිය සැකසී ඇති ආකාරය පිළිබඳ තවදුරටත් සොයා බලන්න.
උද්‍යාන කළමනාකරණය සඳහා මහඟු මෙහෙවරක නිරත ඔබට මුණ නොගැසෙන, උද්‍යාන භාරකරු, අඩවි ආරක්ෂක නිලධාරීන්, නියාමකවරුන් , බංගලා භාරකරුවන් හා ස්වේච්ඡා මාර්ගෝපෙද්ශකයන් හඳුනා ගන්න.
විල්පත්තු ජාතික උද්‍යානය ජීව විද්‍යාත්මක සශ්‍රීකත්වයෙන් සුරැකි බිමක් බවට පත්කරන විරුවෝ ඔවුහු ය.
වනජීවී සංරක්ෂණ දෙපාර්තමේන්තුවේ කාර්යය මණ්ඩලය විල්පත්තුව ජාතික උද්‍යානයේ හුණුවිලගම පිහිටි උද්‍යාන මූලස්ථානයේ හා වැදගත් ස්ථානවල පිහිටි බීට්ටු කාර්යාලවල ස්ථාන ගත කර ඇත.
මෙලෙස සේවකයින් යොදවා ඇත්තේ වනජීවී අපරාධ මැඬලීම සඳහා ජංගම මුර සංචාර සිදු කිරීමට හා වෙනත් ආරක්ෂක ක්‍රියාමාර්ග සඳහා මෙන්ම උද්‍යානයේ යටිතල පහසුකම් මනාව පවත්වා ගැනීම සඳහා ය.
