වනදිවියේ සුන්දරත්වයෙන් සපිරුණු විල්පත්තුව ජාතික උද්‍යානයට සාදරෙයන් පිළිගනිමු.
හෙක්ටයාර් 131,000ක් ඉක්ම වු භුමි භාගයක් පුරා විහිදී ඇති විල්පත්තුව ජාතික උද්‍යානය ශ්‍රී ලංකාවේ විශාලතම ජාතික උද්‍යානය වන අතර එය වන සත්ව හා වෘක්ෂලතා ආරක්ෂක ආඥාපනතේ ප්‍රතිපාදනවලට අනුව ප්‍රකාශයට පත් කර ඇති පැරණිතම රක්ෂිත ප්‍රදේශවලින් එකකි.
මෙම ජාතික උද්‍යානය වනජීවී සංරක්ෂණ දෙපාර්තෙම්න්තුව මගින් කළමනාකරණය කරනු ලබන අතර 1938- 1973 දක්වා කාල වකවානුවේදී ප්‍රකාශයට පත් කරන ලද කලාප පහකින් සමන්විත වේ.
අනුරධපුරය හා පුත්තලම දිස්ත්‍රික්කවල විහිදී ඇති මෙම ජාතික උද්‍යානය මන්නාරම හා වවිනියාව දිස්ත්‍රික්කවලට මායිම්ව පිහිටා ඇත.
විල්පත්තුව ජාතික උද්‍යානය වනඅලීන්ට කදිම වාසස්ථාන සපයන අතර කලාතුරකින් මිනිස් ඇස ගැෙටන වලසුන් හා කොටීන් නැරඹිමට ඇති කදීම ස්ථානයකි. ශ්‍රී ලංකාව තුළ පිහිටි වෙනත් ජාතික උද්‍යානවල දක්නට නොලැබෙන ආකාරෙය් ඝන වනාන්තරයෙන් වැසී ඇති මෙම භුමිභාගය වියළි කලාපීය වනාන්තර, කටු පදුරු සහිත වනාන්තර, තැනින්තැන විශාල ප්‍රෙද්ශයක විසිරුණු විවෘත තැනිතලා, වැලිපර හා සුවිශේෂි විල්ලු පද්ධතිවලින් සමන්විත වේ. තවද පෘතුගාල බොක්ක හා ලන්දේසි බොක්ක ආශ්‍රිත පටු වෙරළ තීරෙයන් වහා නැගෙන රත් පැහැති නග්න ප්‍රපාතය උද්‍යානය තුළ පිහිටි ආකර්ෂණීය භූමි භාගයකි.
විල්පත්තු ජාතික උද්‍යානය ඉපැරණි ඓතිහාසික නගරයක් වන අනුරාධපුරයට ආසන්නව පිහිටා ඇති අතර, ඉතිහාසයේ විවිධ කාලවකවානුවලට අයත් පුරාණ නටබුන් හා මානවකෘතිවලින් සමන්විත වේ
- 01.
අලියා - 02.
දිවියා - 03.
මන්ද
වලසා - 04.
හීන්-බහුරූ
මානාවා - 05.
හැල
කිඹුලා
අලියා
දිවියා
මන්ද
වලසා
හීන්-බහුරූ
මානාවා
හැල
කිඹුලා
වැදගත් කරුණු
විල්පත්තු ජාතික උද්‍යානය පුරා දක්නට ලැබෙන ඉපැරණි වැව්, බෞද්ධ ආරාම, ස්ථූපවල නටඹුන් හා ශිලාලේඛන වාරි කර්මාන්තය මත පදනම් වූ කෘෂිකාර්මික ශිෂ්ටාචාරයක් පැවති බවට සාක්ෂි දරයි.
ක්‍රි.පූ. 500 දී පමණ සිංහල ජාතියේ ආරම්භකයා වන විජය රජු ගොඩබට ස්ථානය බව විශ්වාස කරන තම්බපණ්ණිය, විල්පත්තු ජාතික උද්‍යානයේ කුදිරමලේ තුඩුව සහ මෝදරගම්ආරු ගංමෝය අතර පිහිටා ඇති බවට සැලකේ. තවද මීට වසර 2,000කට පෙර මරදන්මඩු වැවේ ඊසාන දෙසින් පිහිටි ගල් බැඳිනීරාවිය, දුටුගැමුණු රජුගේ පුත් සාලිය කුමරු සිය බිරිඳ වූ අශෝක මාලාවන් සමග වාසය කළ ස්ථානය බවට සැලකේ.
එමෙන්ම පේලියොලිතික හා මෙසොලිතික යුගවලට අයත් ප්‍රාග් ඓතිහාසික ස්ථානයන් ද විල්පත්තුව ජාතික උද්‍යානයෙන් හමු වී ඇත.
ශ්‍රී ලංකාව තුළ ක්‍රියාත්මක වු සිවිල් යුද්ධය නිසා වසර 20කට වැඩි කාලයක් විල්පත්තුව ජාතික උද්‍යානය නැරඹිමට මහජනතාවට අවස්ථාව නොලැබුණී. 2009 මැයි මස යුද්ධය නිමාවත් සමඟම 2010 පෙබරවාරි 27 දින මහජනතාවට උද්‍යානය නැරඹීම සඳහා නැවත විවෘත කරන ලදී.
සැලකිය යුතු කාලයක් උද්‍යානය සංග්‍රාමිකයින් ගැවසෙන බිම්ක් බවට පත් වී තිබිණි. එහි ප්‍රතිඵලයක් ලෙස උද්‍යාන කළමනාකරණය දැඩි ලෙස අඩපණවූ අතර කාර්යය මණ්ඩලය සහ වනජීවීන්ට එහි අහිතකර බලපෑම්වලට ලක් වීමට සිදු විය. මේ වන විට යථාවත් කරනු ලැබු උද්‍යාන කළමනාකරණය හා යටිතල පහසුකම් නිසා උද්‍යානය තුළ වනජීවීන්ගේ පැවැත්ම යහපත් තත්වයකට පත්ව ඇත.
තවද මායිම් ගම්මානවල ජීවත්වන ගම් වැසියන් උද්‍යානය සමඟ පවතින සම්බන්ධතාවයේ විවිධත්වයක් නිරූපණය කරන නිසා සමාජ-ආර්ථික වටිනාකම් ද විවිධත්වයක් පෙන්නුම් කරයි. බටහිර මායිම ආශ්‍රිතව ජීවත් වන ප්‍රජාවන් මෝය හා සාගරයෙහි ධිවර කටයුතුවල නියැලමින් ජීවත් වන අතර අනෙක් ප්‍රදේශ ආශ්‍රිතව ජීවත්වන්නන් කෘෂි කාර්මික කටයුතු වල නිරතවේ.
සත්ත්ව හා වෘක්ෂලතා ආරක්ෂක ආඥා පනතේ විධිවිධානයන්ට අනුව, වනජීවීන් නැරඹිම සඳහා උද්‍යානයකට පිවිසිමට නියමිත ගාස්තු ගෙවීමෙන් අවසර පත්‍රයක් ලබාගත යුතුවේ. විල්පත්තුව ජාතික උද්‍යානය නැරඹිම සඳහා හුණුවිලගම (අනුරාධපුරය දිස්ත්‍රික්කය) හෝ එළුවන්කුලම (පුත්තලම දිස්ත්‍රික්කය) උද්‍යාන පිවිසුමෙන් මෙම අවසර පත්‍රය ලබා ගත හැකිය.
වැඩි විස්තර සඳහා ගාස්තු පිටුව වෙත පිවිසෙන්න.
ප්‍රධාන නගරවල සිට උද්‍යාන පිවිසුම් දක්වා දුර
| ප්‍රධාන නගර | දළ වශයෙන් දුර (කි.මී.) | |
|---|---|---|
| හුනුවිලගම
(අනුරාධපුර) |
එළුවන්කුලම (පුත්තලම) |
|
| කොළඹ | 190 | 165 |
| නුවර | 156 | 160 |
| අනුරාධපුර | 35 | 106 |
| පුත්තලම | 64 | 30 |
| ගාල්ල | 301 | 283 |
උද්‍යානය දිනපතා උදේ 6 සිට සවස 6 දක්වා සංචාරකයින් සඳහා විවෘතව පවතින නමුත් අයහපත් කාලගුණික තත්ත්වයන් මත මෙම කාල සීමාව වෙනස් විය හැක. උද්‍යානය තුළ ගමන් කිරීමට රෝද හතරේ වාහනවලට පමණක් අවසරදී ඇති අතර එම ජීප්රථවල උපරිම වේගය පැයට කිලෝමීටර 25 කට වඩා අවම මට්ටමක පවත්වා ගත යුතුය. ඔබ ඔබෙග් පුද්ගලික රථයක් භාවිතා කරන්නේ නම්, උද්‍යාන කළමනාකාරීත්වය විසින් ලබාදෙන මාර්ගෝපදේශකයකු සමඟ යා යුතුය. නරඹන්නන්ට තම වාහනවලින් පිටතට ඒමට අවසර ඇත්තේ කුඹුක්විල සහ කුදිරමලෛතුඩුව වැනි නම් කරනු ලැබු නිශ්චිත ස්ථානයන්වල දී පමණි. හුණුවිලගම පිවිසුමේ කෞතුකාගාරයක් ද පිහිටුවා ඇත.
විල්පත්තු ජාතික උද්‍යානය සතුව එකවර පුද්ගලයන් 10 දෙනෙකු බැගින් ලැගුම් ගත හැකි සංචාරක බංගලා හතක් සහ පුද්ගලයින් 50 දෙනෙකුට පමණ ලැගුම් ගත හැකි නේවාසිකාගාරයක් ද ඇත. ස්වභාවධර්මෙය් අපුර්වත්ව විදීමට මෙන්ම ත්‍රාසජනක අත්දැකීම් විඳීමට රුචිකත්වයක් දක්වන සංචාරයින් සඳහා කඳවුරුබිම් ද ඇත. උද්‍යානය තුළ පිහිටි සංචාරක බංගලා, නේවාසිකාගාරය සහ කඳවුරු භූමි ඔබගේ සංචාරයට පෙර, කළින් වෙන්කරවා ගත යුතු බැවින් වනජීවී සංරක්ෂණ දෙපාර්තෙම්න්තුවේ වෙබි අඩවියට පිවිස ඊ-සේවාව මගින් හෝ දෙපාර්තමේන්තුවේ ප්‍රධාන කාර්යාලයට පැමිණ සෘජුවම මෙය සිදුකර ගත හැකිය.
උද්‍යාන පිවිසුම්වල සිට කිලෝමීටර 10ක් ඇතුළත ඔබගේ රුචිකත්වයට සරිලන විවිධකාර නවාතැන් පොළවල් ඔබට දැක ගත හැකිය. සංචාරක ආකර්ෂණය දිනා ගත් අනුරාධපුරය සහ කල්පිටිය නගරයන්හී දී හෝටල් හා සුඛෝපභෝගී කඳවුරුබිම් සුලභව හමුවේ. කල්පිටිය කයිට්සර්ෆින් වැනි ක්‍රීඩා සඳහා ද ඩොල්ෆින් සහ තල්මසුන් නැරඹීම සඳහා ද එය සතුව ඇති වෙරළ තීරය නිසාද ප්‍රසිද්ධියක් උසුලයි. මේ අතර ශ්‍රී ලංකාවේ අතීත ප්‍රෞඪත්වය විදහා දක්වන පෞරාණික නටබුන්වලින් අනූන අනුරාධපුරය නගරයෙහි ද සංචාරය කළ හැකිය.
