வில்பத்து தேசிய பூங்காவின் (WNP) பசுமை கொழிக்கும் வனப்பகுதிக்கு உங்களை அன்புடன் வரவேற்கிறோம். 131,000 ஹெக்டேயர் பரப்பளவில் அமைந்துள்ள இவ் வனப்பகுதி இலங்கையின் மிகப்பெரிய மற்றும் பழமையான பாதுகாக்கப்பட்ட பகுதிகளில் ஒன்றாகும். 1938-1973 க்கு இடையில் விலங்குகள் மற்றும் தாவர பாதுகாப்பு கட்டளைச் சட்டத்தின் கீழ் அறிவிக்கப்பட்ட ஐந்து தொகுதிகளைக் கொண்டுள்ள இப் பூங்காவானது, வனவிலங்கு பாதுகாப்புத் திணைக்களத்தால் நிர்வகிக்கப்படுகிறது.
WNP புத்தளம் மற்றும் அனுராதபுர மாவட்டங்கள் வரை பரவியுள்ளது, மேலும் மன்னார் மற்றும் வவுனியா மாவட்டங்களின் எல்லையாகவும் உள்ளது. நாட்டின் இப்பகுதியானது யானைகளின் வாழ்விடங்களுள் மிக முக்கியமான ஒன்றாகும். மேலும் இங்கு தேன் கரடி (Sloth Bear) மற்றும் அரியவகை இலங்கைச் சிறுத்தை போன்ற வனவிலங்குகளையும் அவதானிக்கலாம்.
இப் பூங்காவானது இலங்கையில் உள்ள ஏனைய தேசிய பூங்காக்களை விடவும் அடர்த்தியான வனப்பகுதியைக் கொண்டுள்ளது. WNP இன் நிலப்பரப்பானது அயன மண்டல காடுகள், முற் புதர்கள், பரந்த திறந்தவெளி சமவெளிகள், மணல் திட்டுக்கள், ஏரிகள் மற்றும் தனித்துவமிக்க ஈரநிலங்களை உள்ளடக்கியது. போர்த்துக்கல் விரிகுடா மற்றும் டச்சு விரிகுடாவின் குறுகிய வெற்று கடற்கரைகளில் ஓங்கி உயரும் சிவப்பு பாறைகள் இந் நிலப்பரப்பின் மற்றுமொரு குறிப்பிடத்தக்க அம்சமாகும்.
WNP பண்டைய வரலாற்று நகரமான அனுராதபுரத்திற்கு அருகாமையில் அமைந்த்துள்ளது. மற்றும் வரலாற்றின் பல்வேறு கால கட்டங்களுக்குரிய பழங்கால இடிபாடுகள் மற்றும் தொல்பொருட்களை கொண்டுள்ளது.
வில்பத்து தேசிய பூங்காவின் மொத்த நிலப்பரப்பு, மேற்கு கடற்கரை வழியே கடல் ஓரங்களில் 10 கி.மீ. வரையிலான பகுதி, கலா ஓயா முகத்துவாரம், மோதரகம் ஆற்று முகத்துவாரம் மற்றும் மஹாவிலச்சிய நன்னீர் நீர்த்தேக்கம் ஆகியன சர்வதேச முக்கியத்துவம் வாய்ந்த ஈரநிலங்களாக 2013 ஆம் ஆண்டில் ராம்சார் மாநாட்டின் கீழ் அறிவிக்கப்பட்டது.
ராம்சார் நிலப்பரப்பின் மொத்த பரப்பளவு 165,800 ஹெக்டேர் ஆகும், இதில் WNP முக்கிய அங்கம் வகிக்கின்றது.
- 01.
இலங்கைத்
யானைகள் - 02.
இலங்கைச்
சிறுத்தை - 03.
இலங்கைத்
தேன் கரடி - 04.
சிறுத்த
பெருநாரை - 05.
சதுப்புநில
முதலை
இலங்கைத்
யானைகள்
இலங்கைச்
சிறுத்தை
இலங்கைத்
தேன் கரடி
சிறுத்த
பெருநாரை
சதுப்புநில
முதலை
பூங்கா பற்றிய சில தகவல்கள்
குளங்கள் உட்பட பூங்காவைச் சுற்றி காணப்படும் தொல்பொருள் கட்டமைப்புகள், புத்த மடாலயங்கள், தூபிகள் மற்றும் பாறை கல்வெட்டுகள் என்பன இப்பகுதியில் நீர்ப்பாசன விவசாயத்தை அடிப்படையாகக் கொண்ட நாகரிகமொன்றிற்கான சான்றுகளை அளிக்கின்றன.
கி.மு. 500 ஆம் ஆண்டளவில் மன்னன் விஜயன் தரையிறங்கியதாகவும், சிங்கள குடியேற்றங்களை நிறுவியதாகவும் கூறப்படும் தம்பபண்ணி, குதிரைமலை மற்றும் மோதரகம் ஆற்று முகத்துவாரம் ஆகிய இடங்களுக்கு இடையில் WNP இருப்பதாகக் கூறப்படுகிறது.
மரதன்மடுவ குளத்திற்கு வடகிழக்கில் அமைந்துள்ள கல்பாண்டி நீராவிய, மன்னன் துட்டுகமுனுவின் மகன் இளவரசன் சாலியா 2,000 ஆண்டுகளுக்கு முன்பு தனது மனைவி அசோகமலாவுடன் வாழ்ந்த இடமாக கருதப்படுகிறது. மேலும், பேலியோலிதிக் மற்றும் மெசோலிதிக் போன்ற வரலாற்றுக்கு முந்தைய காலப்பகுதிகளுக்கு உரிய இடங்களும் இங்கு கண்டுபிடிக்கப்பட்டுள்ளன.
இலங்கையில் இடம்பெற்ற உள்நாட்டு போரின் காரணமாக இப் பூங்காவானது 20 ஆண்டுகளுக்கும் மேலாக மூடப்பட்டிருந்தது, ஆனால் மே மாதம் 2009 ஆண்டு போர் முடிவடைந்த பின்னர் 2010 பெப்ரவரி மாதம் 27 அன்று, பொதுமக்களின் பார்வைக்காகவும் வரவுக்காகவும் இப் பூங்கா மீண்டும் திறக்கப்பட்டது.
உள்நாட்டு போரின் போது அதிகளவான சந்தர்ப்பங்களில் பல மோதல்கள் இப் பூங்காவின் அருகிலோ அல்லது அதனை அண்டிய பிரதேசங்களிலோ இடம்பெற்றுள்ளன. இதன் விளைவாக, பூங்காவின் நிர்வாகம், அதன் ஊழியர்கள் உட்பட வனவிலங்குள் பலவும் கடுமையாக பாதிப்புக்குள்ளாகின. இப்போது பூங்காவின் உள்கட்டமைப்பு வசதிகள் புனரமைக்கப்பட்டு மற்றும் அதன் நிர்வாகம் என்பன பலப்படுத்தப்பட்டு வருகின்றன, இதனால் வனவிலங்குகள் மீண்டு இப்பிரதேசத்திற்கு வருகை தருகின்றன.
இவ் வனப்பிரதேசத்தின் எல்லையில் அமைந்துள்ள கிராமங்களின் தற்போதைய சமூக-பொருளாதார மதிப்புகள் அதிக வேறுபாட்டைக் காட்டுகின்றன; மேற்கு எல்லைகளில் வாழும் மக்கள் முற்றிலும் கழிமுகங்கள் மற்றும் கடலைச் சார்ந்து மீன்பிடித்தலை வாழ்வாதரமாகக் கொண்டுள்ள நிலையில், ஏனைய பகுதிகளில் வாழ்பவர்கள், பிரதான வாழ்வாதாரமாக விவசாயத்தை சார்ந்து வாழ்கின்றனர்.
விலங்குகள் மற்றும் தாவர பாதுகாப்புச் சட்டத்தின் படி, பூங்காவிற்குள் வனச்சுற்றுலா ஒன்றிற்காக நுழைய, நீங்கள் பூங்காவின் இரு நுழைவாயில்களில் :ஹுனுவிலகம (அநுராதபுரம்) அல்லது எலுவங்குலம் (புத்தளம்) ஆகிய ஒன்றிலிருந்து அனுமதி பெற வேண்டும்: மேலதிக தகவலுக்கு என்ற பக்கத்தை பார்வையிடவும்.
பிரதான நகரங்களிலிருந்து பூங்காவின் இரு நுழைவாயில்களுக்குமான தூர அட்டவணை: (பூங்கா கட்டணம்)
பிரதான நகரங்களிலிருந்து பூங்காவின் இரு நுழைவாயில்களுக்குமான தூர அட்டவணை:
| பிரதான நகரங்கள் | அண்ணளவான . தூரம் (கி மீ) | |
|---|---|---|
| ஹுனுவிலகம (அநுராதபுரம்) |
எலுவங்குலம் (புத்தளம்) |
|
| கொழும்பு | 190 | 165 |
| கண்டி | 156 | 160 |
| அநுராதபுரம் | 35 | 106 |
| புத்தளம் | 64 | 30 |
| காலி | 301 | 283 |
இப் பூங்கா நாள்தோறும் காலை 6 மணி முதல் மாலை 6 மணி வரை திறந்திருக்கும், ஆனால் வானிலை மாற்றங்களை கருத்திற் கொண்டு அதற்கேற்ப நேர மாற்றங்கள் ஏற்படலாம். பூங்காவிற்குள் நான்கு சக்கர வாகனங்கள் மட்டுமே அனுமதிக்கப்படுகின்றன, மேலும் இவ் ஜீப் வண்டிகள் அதிகபட்ச வேகமாக மணிக்கு 25 கி. மீ என்ற வேகத்தை பராமரிக்க வேண்டும்.
நீங்கள், உங்களது சொந்த வாகனத்தைப் பயன்படுத்தப் போகிறீர்கள் என்றால், அதில் பூங்கா நிர்வாகத்தினால் வழங்கப்பட்ட வழிகாட்டியொருவர் உங்களுடன் பயணிக்க வேண்டும். பார்வையாளர்கள் தங்கள் வாகனங்களில் இருந்து இறங்கவேண்டுமாயின் கும்புக் விலா மற்றும் குதிரைமலை போன்ற நியமிக்கப்பட்ட இடங்களில் மாத்திரமே இறங்க முடியும். ஹுனுவிலகம நுழைவாயிலில் அருங்காட்சியகமொன்றும் அமைந்துள்ளது.
தலா 10 பேர் வரை தங்கக்கூடிய ஏழு அடிப்படை சுற்றுலா மனைகள் மற்றும் தேசிய பூங்காவிற்குள் 50 பேர் வரை தங்கக்கூடிய தங்குமிடமொன்றும் உள்ளது. மேலும் துணிகரமிக்க பார்வையாளர்களுக்கு சுதந்திரமாக கூடாரமிட்டு தங்குவதற்கான முகாம் தளங்களும் உண்டு.
சுற்றுலா வீடுகள், தங்குமிடங்கள் மற்றும் முகாமிடும் தளங்களை முன்கூட்டியே இ-சேவை மூலம் அல்லது வனவிலங்கு பாதுகாப்புத் துறையை நேரடியாக தொடர்பு கொண்டு பதிவு செய்ய வேண்டும்.
இரு பூங்கா நுழைவாயில்களிலிருந்தும் 10 கி.மீ தூரத்திற்குள் பலவிதமான தங்குமிட வசதிகளை நீங்கள் காணலாம். பிரபலமான சுற்றுலா தளங்களான அநுராதபுரம் அல்லது கற்பிட்டியில் அதிகமான விடுதிகள் மற்றும் சொகுசு முகாம்கள் காணப்படுகின்றன.
கற்பிட்டி கடற்கரையானது, கைட் சர்ஃபிங் மற்றும் டொல்ஃபின் மற்றும் திமிங்கிலங்களை பார்வையிடுவதற்கான பிரபலமான சுற்றுலா தலமாகும்.
இதேவேளை அநுராதபுரத்தில் நாட்டின் புராதன காலத்துக்குரிய வரலாற்றுத்தளங்களையும் பார்வையிடலாம்.
தேசிய பூங்காவிற்குள் சுற்றுலாமனை ஒன்றினை முன்பதிவு செய்ய விரும்புகிறீர்களா? தலா பத்து பேர் வரை தங்குவதற்கான வசதிகளையுடைய ஏழு சொகுசு சுற்றுலா மனைகளில் ஒன்றினை அல்லது தங்குமிடமொன்றினை தேர்வு செய்யலாம்.
