බෝදිලිමා ශ්‍රි ලංකාවේ  දුර්ලභ විශේෂයකි. එහෙත්  විල්පත්තු ජාතික උද්‍යානයේ පඳුරු සහිත වනාන්තරවල සුලභව දැකිය  හැක. එයට හේතු වී ඇත්තේ එහි ඇති පරිසරයට උන් ප්‍රිය කිරීමත් එම පරිසරවල ඇති පරිසර සාධක උන්ගේ පැවැත්මට ඉතාම හිතකර වීමත් නිසාය.  මෙම අපුරු සත්වයාට  උගේ දෑස් එකවර භ්‍රමණය කර අංශක 360 ක් පුරා  දර්ශන පථයක ඇති දුරකට නාභිගත  කළ හැකිය.

එනම් තමා අවට ඇති ඕනෑම වස්තුවත්  හොඳින් නිරීක්ෂණය කළ හැකිය. මොවුන් සෙමෙන් ගමන් කරන සතුන් වුවත් ගොදුරු ලෙස  කුඩා අපෘෂ්ඨවංශීන් අල්ලා ගැනීම සඳහා උගේ දිව විදුලියක් මෙන් වේගයෙන් විහිදිය හැකිය. මෙය මිනිස් ඇසට වඩා වේගයෙන් සිදුවන්නකි.